საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ 18 თებერვლის სხდომაზე შპს «თერჯოლის ბუნებრივ აირზე» გასცა ბუნებრივი გაზის განაწილების ლიცენზია, როგორც სს «თერჯოლაგაზის» უფლებამონაცვლეზე. სს «თერჯოლაგაზის» ბაზაზე შეიქმნა შპს «თერჯოლის ბუნებრივი აირი», რომლის ბუნებრივი გაზის განაწილების საქმიანობა გავრცელდება ყოფილი სს «თერჯოლაგაზის» გამანაწილებელი ქსელის ფარგლებში. შპს «თერჯოლის ბუნებრივი აირი» ქ. თერჯოლის მოსახლეობის გაზმომარაგებას უზრუნველყოფს.

ასევე, კომისიამ განიხილა დღის წესრიგით გათვალისწინებული მეორე საკითხი, სემეკის 2005 წლის 30 დეკემბრი #30 დადგენილებაში ცვლილების შეტანის შესახებ (ზუგდიდიგაზი). საქართველოს იუსტიციის სამინისტროდან მიღებული დადებითი სამართლებრივი დასკვნის წარდგენის შემდეგ, კომისიამ დაამტკიცა დადგენილების პროექტი და სარეგისტრაციოდ იუსტიციის სამინისტროში გაგზავნა.

კომისიის საზოგადოებასთან და საერთაშორისო

ურთიერთობათა დეპარტამენტი